رسالة من ابنة معتقل رأي لأبيها

أبي يا لي غايب عليا

غيابك طاح عليا كي لبليا

دمعتي حلفت لا تنشف

ريحة حوايجك زادت كملت عليا

يا لعزيز على قلبي وليت نمشي مهمومة

في صورتك نشوف و ندعي تولي ليا

عرفت عز بويا في غيابو عليا

قالولي متبكيش باباك مشي مطول

قلت ما يحس بالجمرة غير لحرقتلو قلبو

يا رب فك سراحو و رجعوا ليا

قلبي طاب و نايف الفرحة

ما وليت نعرف قيمة حاجة فدنيا

غير نطلب في ربي يخفف عليا

مرضت و زادت همومي و ناس ما حاسا بيا

ساكن في منامي بابا فيا بايت يوصي

اتهلاي في امك وخاوتك و ابنك راهم أمانة عندك

يا ناس حسوا بيا غياب بابا حرقلي عينيا

صليت و دعيت و ربي عزيز عليا

ما جهلت لكن المصيبة صعيبة عليا

ادعولي ربي يفرج عليا و يرجع بابا ليا

ربي يطلق في سراحك يا بابا الغالي

من ابنة معتقل الرأي حسان رمضاني من قسنطينة