نرفدو الستار بلا حساسية كلام ما فيه إشارة*
السكات هو لعبار في ميزان العبودية
سمحولي على العبارة *
ما عندناش خيار محتمة علينا التضحية
ما نقبلو الخسارة *
ماراناش نلعبو القمار في طاولة القضية
الثورة ماشي تجارة*
علقولنا فوق الشارع بذلة سياسية
تتحكم فالإدارة*
خيوطهم بزاف قصار بحكومة رمزية
أجهزة في الوزارة*
ولي مقابل العار و هربت عليه الشرعية
يديها مكاش سفارة*
بانو لوان الاستعمار الناس كامل معنية
دزاير ماشي إمارة*
لازم نكسرو لسوار بالخوف راهي مبنية
مدهونا بسيطارة*
ما نخلو الشعب محتار عالق فالنياب لمزية
وعالق في واد لمرارة*
لازم نكملو المسار بالإرادة القوية
الحراك لي يجيب البشارة*
السجن غير جدار فالروح جاية الحرية
تمد للقلب شرارة *
تخليه يأخذ قرار يتحمل المسؤولية
و يثبت الجدارة*
لي حب يدي معيار جدودنا خلاو برية
لقبورهم نروحو زيارة*
نديرو معاهم حوار يفهمونا فالوضعية
باش تفطن فينا الحرارة*
بقلم شاعر الحراك الشعبي محمد تجاديت
